2 HVI, 1 SLI arestado, kapin P100K kantidad sa shabu nakumpiska

Davao City – Arestado sa Bunawan Police Station ang duha ka High Value Individual (HVI) nga sila Roland Batingin, alias “Dandan”, residente sa Brgy. Tibungco, Davao City, Jeolvin Sito, alias “Boss” taga RTU Grand Village, Apokon, Tagum City ug Street Level Individual (SLI) nga si Kin Cresencio, taga Brgy.Buhisan,Tibungco, Davao City human nadakpan sa mga operatiba sa managlahing buy bust operation ug nakuhaan sa 17.27 grams, mokantidad sa P117,436 sa shabu ug usa ka unit 9mm pistol, usa ka magazine, mga bala ug mga illegal drugs paraphernalias.

Sa interview sa DXDC RMN Davao kang Police Major Jake Goles, Hepe sa Bunawan Police Station gisulti niya, karong adlawa Pebrero 15, 2024 i-inquest ug ipasaka sa piskalya ang kasong kalapasan sa RA 9165 o Comprehensive Dangerous Drugs Act of 2002 ug kalapasan sa RA 10591 o illegal possession of firearms and ammunition batok sa mga dinakpan.

Segun ni Goles, ang mga dinakpan nga drug personality, nigawas ang ilang pangalan sa mga nadakpan usab sa ilang operation ug didto nagakuha og droga sa mga suspect.

“Lumalabas pangalan nila sa mga nahuhuli natin na drug personality na kumukuha din sa kanila”, sulti ni Goles.

Ang pagkasikop sa tulo ka mga dinakpan, kabahin kini sa mas gipakusgan nga kampanya kontra illegal nga droga sa ilang area of responsibility (AOR) sa Bunawan Police Station.

RadyoMaN Don Pulayao