General Santos City—sikop sa operatiba sa kapulisan nga sakop sa Gensan City Police Office ang 2 ka mga Indonesian National human nga iligal nga misulod sa syudad sa General Santos.
Alas 7:00 sa gabie dihang gisikop sa tropa sa Kapulisan inabagan sa Philippine Maritime Police ang duha ka mga Indonesian National nga silang si Pat Dumalang, 56 ug Jinki Rado, 40, parehong nanimuyo sa Tajona, Indonesia.
Nasikop ang mga nahisgutan sa pantalan sa Lower Makar, Barangay Labangal human midunggo ang ilang bangka nga gisakyan gikan sa nasud Indonesia.
Narekober gikan sa ilang posisyon ang mukabat sa 110 ka rim sa sigarilyong Garam kansa gituohang ibaligya dinhi sa Gensan.
Nasayran nga nagkaylap na sa syudad ang sigarilyong garam nga produkto gikan sa nasud Indonesia. Sa kasamtangan ang duha balhog na sa silda sa Makar Police Station.
