General Santos City—samdan nga nahidangat sa Dr. Jorge Royeca Hospital ang usa ka 19 anyos nga lalaki human gikulata ug gidunggab pa sa wala mailhing suspetsado samtang kini anaa daplin sa baybay sa Barangay Labangal, Gensan.
Biktima giilang si Roland Caber, 19, residenti sa Purok Dac Vill, Barangay Mabuhay, Gensan. Alas 10:00 pasado sa gabie dihang anaa sa baybay sa lugar ang nasangpit nga biktima aron tua unta magpagawas sa iyang hugaw apan kalit kining giduol sa suspek dayon gikulata.
Wala pa matagbaw gidunggab pa niini ang biktima igo sa iyang lawas nga bahin. Paspas nga misibat ang suspek samtang ang biktima, nakapangayo pag tabang sa mga residenti sa lugar.
Gilayon usab kining gidala sa ospital ug kasamtangan nang giatiman sa iyang attending physician. Sa karon nagpahigayon nag imbistigasyon ang Police Station 2, kalabutan sa insidenti.
