Davao City – Mukabat sa P72,000 kantidad sa iligal nga droga ang nakuha gikan sa duha ka babae nga nadakpan sa gikasang buy-bust operation sa Barangay Indangan, Buhangin, Davao City niadtong June 27, 2023.
Sa report sa Mandug Police Station, giila niini ang mga dinakpan nga mao sila Cecil Lones, 42 anyos, ug Edna Salinas 42 anyos, pulos taga Buhangin.
Ang mga suspek napalitan og duha ka sachet sa gituohang shabu, dayon narekober kanila ang kapin kun kulang 5 gramos sa droga nga mubalor sa naasoy nga kantidad.
Kasong paglapas sa Section 5 ug 11 sa Republic Act 9165 kun Comprehensive Dangerous Drugs Act of 2002 ang atubangon sa mga dinakpan.
Nagpasalamat usab ang kapulisan sa padayong suporta sa Davaoeños sa kampanya batok iligal nga droga.
RadyoMaN Kirby Manzon
Facebook Comments
