Malampusong nasikop sa mga kapulisan ang usa ka mag-uumang wanted sa duha ka kaso nga Attempted Murder ug Frustrated Murder atol sa gilusad nga operasyon pasado alas 11:08 sa buntag kagahapon partikular didto sa Sitio Dagtan, Bacusanon, Pangantucan, Bukidnon.
Giila ang suspek nga si Frinth Tumopas, minyo, mag-uuma, ug residente sa naasoy nga lugar.
Gikonsidera ang suspek isip Top 7 Most Wanted Person sa probinsya sa kasong Attempted ug Frustrated Murder kinsa nasikop sa warrant of arrest nga gipakanaug gikan sa korte pinitsahan Marso 13, 2023 ug adunay girekomendang piyansa nga mukabat sa P200,000.00 alang sa temporaryong kagawasan.
Gikustodiya na karon sa Pangantucan Municipal Police Station ang suspetsado alang sa tokmang disposasyon.
Facebook Comments
