General Santos City–Dugay nang gipanid-an sa kapulisan ang duha ka mga babayeng gialigarang ISIS-Suporter nga una nang nadakpan sa gipahigayong ronda sa kapulisan uban ang Joint Task Force Gensan sa Block 4, Johnny Ang Subd., Barangay Lagao nga silang si Joyce Ann Fornal alias Fahima ug bai Nor Aizis Buday.
Sumala ni Police Lt. Col. Jose Mare Simangan ang hepe sa City Mobile Force Battalion.
Ang duruha ang gikaingong Isis Supporter ug konektado sa grupong Daulah Islamiah- Abu Turaifie Group kansa maoy nagapamalit ug mga materyales sa paggama ug bomba sa maong grupo.
Ang duruha ang ikaingong aduna partisipasyon sa pagbusikad sa bomba sa Zamboanga ug uban pang lugar sa Mindanao.
Basi sa Monitoring sa kapulisan walay namonitor nga negusyo o trabaho ang duruha sa Gensan inay igo ra silang nagpuyo dinhi sa syudad.
Samtang Gibutyag usab ni Atty. Remegio Delos Santos Jr. Abogado sa duha ka mga dinakpan nga gihingusgan sa iyang mga kleyente nga walay kamatuoran ang aligasyon sa kapulisan batok kanila.
Dili matudpa tinuod nga sila konektado sa unsa mang grupo sa mga terorista. Dili usab matud pa sila supporter sa ISIS.
Saysay pa sa iyang mga kleyente, nga nakurat lang sila dihang miabot ang kapulisan dayon sila gipagawas sa ilang balay. Aduna dayon matud pay nagsulod nga mga nakasobilyan kansa maoy ilang gituohang nagbutang sa mga eksplosibo, pusil bala ingon flag sa ISIS ngadto sa sulod sa ilang balay.
Nasayran nga nakuha sa balay sa mga nasampit atol sa gihimong ronda sa kapulisan ang 2 ka buok nga grenade rifle; 1 ka cal. 45, 1 ka magazine nga adunay unod nga lima ka mga bala, 2 ka pvc pipes, 2 ka battery (9volts); upat ka platic bottle; 2 ka battery snap alang sa 9 volts nga battery, wires, 2 ka Flag nga iyaha sa ISIS electrical tape; packing tape ug uban pa.
