General Santos City—Sikop sa tropa sa kapulisan ang duha ka mga babaye atol sa gipahigayon nilang ronda sa Block 4, Johnny Ang Subd., Barangay Lagao Gensan human nakuhaan ug armas, Bala, black flag, eksplosibo ug mga materyales nga gituohang gamiton sa paggama ug bomba nga gipahigayon alas 5:45 ang takna sa buntag.
Mga suspek giilang silang Joyce Ann Fornal alias Fahima As-zarah/Jamillah/knickerbucker/Umm Omar/ Sunset/Jamillah ug bai Nor Aizis Buday.
Nakuha sa balay sa mga nasampit ang 2 ka buok nga grenade rifle; 1 ka cal. 45, 1 ka magazine nga adunay unod nga lima ka mga bala, 2 ka pvc pipes, 2 ka battery (9volts); upat ka platic bottle; 2 ka battery snap alang sa 9 volts nga battery, wires, 2 ka Flag nga iyaha sa ISIS; electrical tape; packing tape ug uban pa.
Ang duruha ang gikaingong Isis Supporter ug konektado sa grupong Daulah Islamiah- Abu Turaifie Group kansa maoy nagapamalit ug mga materyales sa paggama ug bomba sa maong grupo.
