Patay ang isa ka asawa matapos aksidente nga luthangan sang iya bana sang nakaligad nga gab-i sa banwa sang San Jose, Antique.
Ginkilala ang biktima nga si Carol Balenia, 41 anyos samtang ang suspek nga bana sini amo si George Balenia, 41 anyos sang San Jose, Antique.
Suno kay Police Lt. Col. Mark Darroca, hepe sang San Jose PNP nga natabu ang insidente alas 6:30 sang nakaligad nga gab-i, Hulyo 23 sang magpauli nga nakainum ang bana kag nakibot ang asawa sang magpinalupok ini sang iya black widow nga pistola.
Suno kay darroca nga nagguwa s aila balay kag nagkadto sa tiyangge ang bana nga daw may ginapangita kabangdanan nga ginsundan ini sang asawa kag gina-agaw sa iya ang pusil.
Samtang naga-agaway, aksidente nga naglupok ang pusil kag naigo ang biktima sa nawala nga ilok kag dali-dali nga gindala sang ospital apang wala na matabangan.
Sa karon ginapreparar na sang san Jose PNP ang kaso batuk sa suspek nga detain karon sa prisuhan.
