Dumalinao, Zamboanga del Sur – Patay ang duha ka bata human misilaob ang kalayo ug na-trap sa usa ka bunkhouse alas 5:12 kagahapon sa hapon sa Purok Talaba, Brgy. Camanga, Dumalinao, ning probinsya.
Sa interview sa RMN DXPR alas 4:40 sa hapon sa dihang misulod ang mga bata sa bunkhouse ug didto nagdula kini. Basi sa kopya sa CCTV camera footage, wala makabantay ang amahan sa usa sa mga biktima nga anaa sa sulod sa bunkhouse ang mga bata hinungdan nga gipadlock niya kini.
Apan pipila lang ka minuto, misilaob na ang kalayo sa sulod sa bunkhouse nga maoy hinungdan sa kamatayon sa mga biktima nga sila si Tricia Collen Restojas Senining, 3 anyos, residente sa nasangpit nga dapit ug si Jerubeam Restojas Virrey, 6 anyos, residente sa Purok Melodia, Brgy. Poblacion, Imelda, Zamboanga Sibugay.
Ginama sa light materials ang bunkhouse rason nga dali ra ang pagkuyanap sa kalayo. Niabot sa lima ka minuto ang gidugayon sa pagsilaob sa kalayo.
Hilabihan nga pagbasol ug kaguol ang gibati sa pamilya sa mga biktima.
(PICTURE CREDIT TO THE OWNER)
