Duna nay niila sa duha ka patay`ng lawas sa mga lalaki nga nakit-an didto sa Sitio Mayana , barangay Ga-as sa lungsod sa Balamban .
Ang mga biktima nailhan nga sila si Dennis Lastimoso nga taga B. Rodriguez sa barangay Sambag 2 , samtang ang laing biktima nga unang nailhan lang sa alyas “tambok” mao diay si Donald Flores .
Ang imbistigador sa Balamban Police Station nga si SPO3 Benedicto Bobilles nibutyag nga ang ig-agaw ni Lastimoso maoy nag-ila sa gitohoang mga biktima sa pag-salvage.
Susihon sa kapolisan kung nganong naabot ang duha ka biktima sa lungsod sa Balamban ingon man ang motibo sa krimen .
Usa ka saksi ang miingon nga nakadungog pa kini ug tingog sa lalaki nga daw sa nagpakilooy , ug gisundan na kini sa upat ka sunod-sunod nga buto sa armas.
