Patay ang usa ka membro sa Citizen Armed Force Geographical Unit (CAFGU) samtang laing usa ang samaron sa nahitabong pagpamusil alas 11:40 kagabii didto sa P-4, Brgy. Crossing, Kitcharao, Agusan del Norte.
Giila ang napatay nga si CAA “Longlong” Batistil, 34 anyos, ulitawo, nadestino sa Hinimbangan Kitcharao Patrol base ug residente sa Brgy. Hinimbangan, Kitcharao Agusan del Norte.
Samtang samdan ang kaubanan niini nga si Regel Serapyon Moyon, 21 anyos, ulitawo ug residente P-5 Brgy San Isidro, Kitcharao, Agusan del Norte.
Nasayran nga nag-inom ang duha ka mga CAFGU sa Beverly Videoke House sa lugar ingonman ang upat ka mga suspek nga giila sa PNP nga sila si :
1. Jiboy Aninion, 31 nayos, minyo, ulitawo, residente sa Brgy Budlingin, Alegria, Surigao del Norte 2. Ronel Cabil, 32 anyos , residente sa Alegria, Surigao del Norte 3. Alias JR Mamado, 23 anyos, minyo, mag-uuma ug residente sa Brgy Budlingin, Alegria Surigao del Norte 4. Alias RJ Manayagay , 21 anyos, minyo, mag-uuma, residente sa Brgy Juano Alegria, Surigao del Norte
Migawas sa inisyal nga imbestigasyon nga samtang anaa sulod sa maong videoke house ang mga biktima ug mga suspek nga parehong nakainom, nagkauban pa sa pagsayaw, apan nahitabo ang kalit nga pagpangulata sa mga suspek dayon usa ka suspek nga si Aninion ang miilog matud pa sa magnum 357 ni CAA Moyon ug gipusil si CAA Batistil sa ulo nga miresulta sa kamatayon niini.
Samtang si CAA Moyon ang nakaangkon sab ug samad hinoon nakahimo kini sa pagdagan.
Ang mga suspek ang daling miikyas palayo sa crime scene kinsa pabiling at large sa pagkakaron. (Investigation ongoing)
#RMN #CAFGU #Kitcharao #AgusandelNorte #AFP
(KUHA SA NAHITABONG SHOOTING INCIDENT SA KITCHARAO KAGABII DIIN DUHA KA MGA CAFGU ANG BIKTIMA USA PATAY, USA ANGOL)
