Davao City – Laing drug pusher ang nadakpan sa awtoridad atol sa gipahigayong buy bust operation sa kapulisan sa San Pedro ug Buhangin.
Giaresto sa kapulisan si Gil Gonzales alyas Payat, 40 anyos nga taga Purok 21 Budbud Bunawan ning dakbayan human sa gipahigayong buy bust operation sa kapulisan didto sa Carriedo St Km. 4 Side Buhangin siyudad sa Davao.
Matud pa sa dihang gilusad ang buy bust operation sa usa ka police nga poseur buyer gamit ang 2,000 pesos nga buy bust mark money kambiyo sa usa ka sachet sa suspek hinungdan sa pagkaaresto niini.
Narecober sa kapolisan gikan sa dinakpan ang 8 ka sachet nga gituohan shabu nga adunay street value nga P120, 000.00.
Samtang gidakop sab sa kapulisan ang usa ka Carding Berongoy, 40 anyos, driver, ulitawo,nagpuyo sa Palma Drive Extension Buhangin gumikan sa iyang pagkasilaw sa usa ka libo isip bayad sa pulis nga nagsilbing poseur buyer sa shabu.
Nakumpiska gikan kaniya ang laing sachet sa gitohoang shabu ug 1000 pesos nga mark money ug uban pa nga mga ebidensiya.
Ang mga dinakpan balhug na sa prisohan ug gihikay na sa kapolisan ang kasong kalapasan sa RA 9165 kun Comprehensive Dangerous Drug Act of 2002 ngadto sa mga suspek.
RadyoMaN Don Pulayao/RadyoMaN Joel Viray
