Zamboanga City- Muerto el un negociante identificao como si Andrew Wee y Chan, 45 aƱos, casao y residente del Veterans Avenue en este ciudad despues conele tira el desconosidos suspechao alas siete del aga na mismo gasoline station que ta duenia el familia del victima locao na Talon-Talon Loop.
Ya sustene tupada de bala na diperentes parte del su cuerpo el victima, y ensuidas ya lleva con este core na un privado ospital para el curada pero nohay suerte cae ya declara con este muerto el doctor cuantos minutos lang el que ya pasa desde ya llega este na ospital por causa con el fatal tupada.
El maga personajes del Zamboanga City Police Station-6 quien ya responde na lugar del incidente ya puede recubri 9 maga capsula de bala, dos deformed slug y dos fires slug que ya usa el maga suspechao para liquida con Wee.
Mientrastanto, ta continua pa conduci hondo imbestigacion el Zamboanga Police Station-6 (Tetuan) paraber puede establisi el motivo del incidente lo mismo el identification y possible aresto del maga suspechao.
