General Santos City–Nagpahigayon kagahapong adlawa ug operasyon “Oplan Kandado” sa mga establisemento ang mga personahe sa Bureau Of Internal Revenue kon BIR-Gensan kung asa duha ka establisimento sa sa syudad ang gikandaduhan tungod sa under declaration kini mao ang TLG ug Alexus nga nahimutang sa Magsaysay Avenue, Barangay South, Gensan.
Ang pagpatuman sa pagpasirado gipagawas kini sa BIR tungod sa bayolasyon sa Internal Revenue Rules And Regulations kung asa anaa sa kapin 30 porsento ang under declaration.
gikabutyag ni OIC Revenue District Officer Evelyn Mallillin, nga usa sa rason nganong ilang gipasirado ang duha ka establismento tungod sa under declaration niini sa ilang mga sales gani gipaklaro usab sa opisyal nga maablihan lamang kini kung makabayran na ang mga nanag-iya sa establisemento nga pasirado ngadto na sa buhatan sa BIR.
Samtang gikakurat man usab kagahapong adlawa sa tag-iyasa TLG nga si Tammy Go ang pag abot sa mga personahe sa BIR ngadto sa iyang establisimento kung gi-padlock kini tungod sa under declaration sa ilang sales gani andam man usab nga makigpulong si Go sa BIR aron maresolba ang maong problema
Kahibaloan nga lima ka branches sa TLG ang napasirado sa BIR gikan sa Gensan, kiamba, Polomolok, Koronadal, ug Tacurong City. (Reynald Timario)
