TACURONG CITY- Patay ang usa ka CVO sa balay tambalanan human nga kini mapuruhan human nga mibusikad ang duha ka granada, alas 11:30 kagabii sa may Villa Garde National Highway Barangay Buenaflor syudad sa Tacurong City Sultan Kudarat.
Naila ang biktima nga usa ka Dominador Datahan,hamtong og usa ka CVO, og residente sa may Isabela Tacurong City.
Sumala pa kang Police Sr. Supt Raul Supiter, ang Provincial Director sa Sultan Kudarat PNP nga samdan usab ang 17 ka mga indibidwal sa maong pagbusikad.
Dugang pa niini, nga nahitabo ang pagpamusikad sa usa ka videoke bar sa maong lugar kon diin apil sa mga samdan ang suspetadong nagbitbit sa granada.
Naila ang mga samdan nga silang ni Labangan Mohiden,21 anyos taga Lambayong Sultan Kudarat, Mokalib Alipin, 31 anyos taga Paglat Maguindanao, Safar Lakim, 28 anyos, Digal Buluan Maguindanao, Mohammad Sahod 34 anyos, GSK Pendatun Maguindanao, Rasid Untao, 12 anyos Buluan Maguindanao,Paul Jay Katilap, 24 anyos taga Paglat Maguindanao, Daturao Mustapha 35 anyos, Paglat Maguindanao, Rahib Abdullah, Nasrullah Baomul, Sean Michael Lames, Richard Ceridica, Salahadin Dalamban, Tambuyon Almiradz, Amin Janabin, og Nashruden Abbila.
Padayon pa karon ang ginahimong imbestigasyon kalabot sa maong insidente.
