General Santos City—Angol ang usa ka Guest Relation Officer (GRO) human kining gidunggab sa iyang kaubanan sa trabaho human nag ilog ug costumer alas 2:00 ang takna sa kabuntagon nga natigayon sulod sa usa ka KTV bar nga nahimutang sa pioneer Avenue, Barangay South Gensan.
Ang biktima itago lang sa pangalang Alias Arvie, 23, residenti sa Purok Matinabangon, Barangay Labangal, Gensan. Samtang ang suspek itago lang sa pangalang alias Mylene, 27, residenti sa Malungon, Sarangani Province.
Base sa pahayag sa biktima atol sa pakighinabi sa RMN News Team ngadto sa nahisgutan, iyang gibutyag nga nasuko matud pa ang suspek human nga siya nakigtable sa kanhing costumer sa nasangpit.
Sumala pa nga human ug trabaho, natulog na unta ang biktima apan siya gisulod sa suspek dayon gidunggab. Mayo nalang nga iyang nasagang ang kutsilyong gigamit sa suspek maong sa kamot ra kini naigo dihang siya gidunggab.
Nasikop usab sa Police Station 1 ang suspek ug kasamtangan na karong balhog sa silda. Samtang ang biktima nagpaalim nalang sa iyang samad nga naangkon sa Dr. Jorge Royeca Hospital.
