Nitahan sa 403rd Brigade Infantry Brigade, Philippine Army ang duha ka tag-as nga opisyal sa New Peoples Army kon NPA sa Brgy. Manalog, ning siyudad sa Malaybalay.
Sa interview sa RMN DXMB Malaybalay ngadto kang Lt. Col. Edgardo Talaroc Jr. ang commander sa 8th Infantry Battalion gibutyag niini nga ang mga nitahan sila si Armando Daluniag alias Ambo, commanding officer sa Headquarters Force Neo sa Northern Central Mindanao Regional Committee, kanhi usab nga Deputy Secretary sa Guerilla Front 89 ug usa ka Roland Lagunday alias Ben, Squad Leader sa Squad 2, Platoon 2.
Matud ni Col. Talaroc nga mukabat na sa 20 ka tuig nga naglihok si Alyas Ambo sa NPA diin nagbaton kini sa 29 ka kasong kriminal nga gikalambigitan sa insurhensiya.
Bitbit sa ilang pagtahan ang 10 ka high powered firearms nga gilakipan sa upat ka M16 rifles, tulo ka AK47 rifles, duha ka M653 rifle, tag-usa ka M230 grenade launcher ug M14 rifle.
Matud ni Ka Ambo nga dili siya gusto nga mamatay sa engkuwentro sa militar nga gutom rason nga mitahn sila sa gobierno sa Bukidnon.
Gidugang pa niya nga walay nahitabo sa iyang kinabuhi samtang anaa siya sa kalihukan.
Lauman usab nga aduna pay daghang miyembro sa NPA ang musunod kaniya sa pagtahan.
