2 ka himata ni mayoralty candidate Ella Garcia-Yulo sa Moises Padilla patay sang gin-ambush sa Barangay Inolingan

MOISES PADILLA, NEGROS OCCIDENTAL – (UPDATE) – Duha ang kumpirmado nga patay sa natabo nga ambush pasado las 10 sini nga aga sa Rosbel, Brgy. Inolingan, banwa sang Moises Padilla.

Nakilala ang mga nagkalamatay nga amo sanday Sangguniang Bayan Member Michael Garcia kag former ABC President Mark Garcia.

Si Coun. Michael Garcia hinablos ni Vice-Mayor Ella Garcia-Yulo, nagapapili liwat konsehal samtang si Mark ang utod mismo sang bise alkalde.


Si Vice-Mayor Ella Garcia-Yulo ang nagapapili subong alkalde sang Moises Padilla kontra sa iya man tiyo kag kapartido sadto nga si Mayor Magdaleno Peña.

Suno sa Moises Padilla Municipal Police Station PMajor Junji Liba, nga ang mga suspek naga-soksok sang jacket nga may hood kag naka-mask, sakay sa mga motorsiklo kag gray nga pick-up kag armado sang mga armalite.

Ginpahayag nga matapos ginhimo ang krimen, nagpalagyo ang mga suspek sa direksyon sang banwa sang Isabela.

Facebook Comments