General Santos City–Nagtingkagol sa selda sa Polomolok Municipal Police Station ang duha ka suspetsado human nasikop sa otridad nga nagasimhot og rugby sa Sampaguita St, Brgy.Poblacion Pololomok, South Cotabato niadtong nakalabayng adlaw.
Naila ang mga suspek nga silang Ryan Daya, 19 anyos, ulitawo, residente sa Purok 2 , Brgy.Rubber, Polomolok ug si Julito Degayo, 23 anyos. ulitawo ug residente usab sa Sampaguita street sa nasampit nga munisipalidad.
Basi sa impormasyon nga natala sa Polomolok PNP nasuta nga samtang galibot suroy sa lugar ang mga personahe sa maong stasyon sa pagpanguna ni Po3 Rodulfo Baluran uban ang presensiya sa BPATS team nga gipangunahan usab ni beinvenido montalban nakit-an na lamang nila ang mga suspek nga nagasuyop og rugby hinungdan nga ilahang giduol og gisikop.
Nakuha sa posisyon sa mga nasampit ang plastic bottle nga dunay sulod nga rugby,
Sa kasamtangan giandam na sa kapolisan ang kasong kalapasan sa PD-1619 batok sa mga dinakpan.
