Davao City – Gipalawman karon sa kapulisan ang ilang imbestigasyon aron masayran ang motibo sa pagpusil-patay sa duha ka mga lalaki sa Barangay Ising, Carmen, Davao del Norte alas 12:45 sa kaadlawon niadtong Miyerkules, Pebrero 22, 2024.
Sa report sa Carmen Police Station, samtang nag-inom sulod sa balay ang duha ka mga biktima nga sila alyas Son ug Nuel uban ang ilang mga live-in partners, kalit na lamang miabot ug misulod ang upat ka mga suspetsado ug gipamusil ang nahisgutan, dayon dali usab sila nga misibat sakay sa itom nga sakyanan.
Tungod sa panghitabo, nakahiagom og samad sa ulo ug sa uban pang kalawasan ang mga biktima nga daling gidala sa Carmen District Hospital apan gideklarang dead on arrival.
Narekober sa crime scene ang walo ka mga bala sa wala pa matinong armas. Padayon karon ang imbestigasyon ilabi na ang pag-ila sa mga responsable sa krimen.
RadyoMaN Kirby Manzon
Facebook Comments
