𝗣𝗔𝗚𝗟𝗔𝗕𝗔𝗦 𝗡𝗚 𝗠𝗘𝗠𝗢 𝗡𝗚 𝗗𝗘𝗣𝗘𝗗 𝗞𝗔𝗨𝗚𝗡𝗔𝗬 𝗦𝗔 𝗣𝗔𝗚𝗣𝗔𝗣𝗔 𝗔𝗚𝗔 𝗡𝗚 𝗣𝗔𝗚𝗧𝗔𝗧𝗔𝗣𝗢𝗦 𝗡𝗚 𝗦𝗖𝗛𝗢𝗢𝗟 𝗬𝗘𝗔𝗥 𝗜𝗡𝗔𝗔𝗦𝗔𝗛𝗔𝗡 𝗡𝗔 𝗡𝗚 𝗠𝗚𝗔 𝗚𝗨𝗥𝗢

Inaasahan na ng grupo ng mga guro sa Pilipinas ang maging desisyon ng Department of Education (DepED) na maglabas ng memorandum kaugnay sa kautusang mas maagang pagtatapos ng school year ngayong taon.

Sa naging panayam ng IFM News Dagupan kay Teacher’s Dignity Coalition Chairman Benjo Basas, matagal na umano nilang inaasahan at hinihintay ang nasabing memo.

Katunayan, aniya ay bahagyang late pa ang memo dahil ang gusto sana nila ay mas maaga pa kaysa sa May 31.

Aniya kasalukuyan na ngayong ginagawa ng mga kaguruan ang adjustment para makasabay sa nalalapit moving up ceremony sa katapusan ng buwan ng Mayo.

Umaasa naman sila na masusunod ang nakalagay sa memo na dapat ay walang mga gagawing trabaho ang mga guro sa buong buwan ng Hunyo.|𝙞𝙛𝙢𝙣𝙚𝙬𝙨