Nabun-an ang 2 ka mga lalaki matapos nagluntad ang komosyon sa Brgy. Q Abeto, Mandurraio, Iloilo City alas 11:15 kagab-i , Nobyembre 5.
Santo sa report, papuli na sanday Jenniel Lopez, 20 anyos sang Brgy. Panuran, Lambunao, Iloilo ; Ernie Puyong, 19 anyos kag Rey Puyong, 25 anyos, lunsay residente sang Brgy. Villa Lawaan, Patnungon , Antique kag temporaryo nga nagapuyo sa Brgy. Airport, Mandurriao, Iloilo City sang ginbalabagan ang ila alagyan sang grupo nanday Jason Gamarcha, 26 anyos kag Jeno Edulag, 21 anyos, isa ka construction worker , lunsay residente sang Brgy. San Isidro Sibunag , Guimaras.
Nagtinapungulay ang mga ini tubtob ginbuno nanday Ernie kag Rey Puyong sanday Gamarcha kag Edulag sa dughan.
Gindala sa hospital ang mga biktima samtang arestado naman ang mga suspetsado.
(photo from web)
