Sa report sa Sta. Cruz Municipal Police Station, ang mga dinakpan mao alyas Yel, 37 anyos, minyo ug alyas Dong, 42 anyos, minyo, pulos residente sa Barangay Badiang, Digos City, Davao del Sur.
Una niini nakigkoordinar si Police Major Kristine Miraña, Office in Charge (OIC) sa Sta. Cruz MPS sa Bureau of Fisheries and Aquatic Resources (BFAR) Sta. Cruz alang sa joint seaborn sa kadagatan ug naaktuhan ang nahisgutan nga nangisda sa Marine Protected Area sa Passig Islet sa Barangay Bato.
Nakumpiska sa posisyon sa duha ang bangka, pukot, duha ka bugsay, ug dili mokulang sa usa ka kilo nga mga isda.
Ang mga narekober nga ibedensya ana na sa kostodiya sa BFAR Sta. Cruz, samtang ang duha ka suspetsado gi-release sa kapulisan sa Sta. Cruz alang sa ilang administrative proceedings sa BFAR Regional Office, Davao City.
RadyoMaN Kirby Manzon
