Davao City – Gipaalerto sa Police Regional Office XI ang tanang istasyon sa kapulisan sa Davao Region aron ma-identify ang patayng lawas sa usa ka lalaking giputos usab og packaging tape sa Sta. Maria, Davao Occidental nga nagpabilin pang unidentified human kini gilubong.
Adlaw ang deperensya una makita ang maong patayng lawas sa Davao Occidental, usa ka patayng lawas ang narekober sa dagat sa Punta Dumalag, Matina Aplaya, Davao City nga gi-identify nga si Luis Malinao nga gibalot usab ang dagway og packaging tape ug aduna pay mga nakakabit nga pisi sa lawas niini.
Sa interbyu sa RMN Davao kang PRO XI spokesperson Police Major Eudisan Gultiano, dili pa maestablisar kung aduna bay koneksyon ang pagkamatay sa duha ka mga biktima.
Gibutyag ni Gultiano, pareho kining adunay mga samad pinusilan sa ilahang mga lawas.
“Are these two incidents related? Hindi pa natin masabi iyan dahil nga hindi pa natin identified itong identity ng victim sa Davao Occidental at kung may kinalaman ba rin ito sa pagkamatay ni Luis Malinao dito sa Davao City,” matud ni Gultiano.
Tungod nadugta na ang napalgang patayng lawas sa Davao Occidental, gilubong na kini samtang nidumili na ang pamilya ni Luis Malinao sa pagpailawom sa autopsy matud sa kapulisan.
Nasayran nga ni-surrender si Malinao sa Oplan Tokhang niadtong 2017 apan wala na usab kini ni-comply sa mga rekwisitos sa maong programa kontra droga ug kini ang usa sa mga anggulong gilantaw sa kapulisan.
Panawagan sa PRO XI sa publiko ngadto sa mga posibleng makatabang o adunay impormasyon niining duha ka mga insidente makigalayon sa kapulisan sa Sta. Maria, Davao Occidental ug Ecoland Police Station sa pagsolbad sa maong kaso.
RadyoMaN Aimee Guinita
