Davao City- Napalgang naggakos ug nasunog na ang duha ka mga magsuong menor de edad sa ilahang panimalay sa Brgy. Saloy, Calinan District ning syudad pasado alas 6:00 sa gabii, Enero 8, 2024.
Sa report sa Davao City Police Office (DCPO) nagedad ang mga biktima og 14 ug 13 anyos.
Wala sa balay ang amahan sa mga bata nga si Eliseo Capunong Romero, 37 anyos atol sa sunog.
Namatikdan sa silingan nga si Sergio Camello Juarez, 48 anyos nga nagdilaab na ang panimalay sa mga biktima ug nanawag pa kini’g tabang sa mga silingan apan walay laing mga tawo nga nakaresponde sa insidente.
Tungod ginama ra sa light materials daling naugdaw ang nasangpit nga panimalay ug wala gayod masalbar ang duha ka mga batan-on.
Samtang, matud ni FO3 Jason Iguana,BFP Fire nakontrola ang sunog alas-7 sa gabie ug anaa sa P55,000 ang damyos ug Gideterminar pa sa BFP ang hinungdan sa sunog.
RadyoMaN Aimee Guinita
Facebook Comments
