2 ka mga drug personalities arestado sa buy-bust operation sang PDEA 12 sa Koronadal City.

Arestado ang duha ka mga durugista sa ginpatigayon nga buy-bust operation sang Philippine Drug Enforcement Agency ukon PDEA 12 sa Paredes St., Brgy., Zone 4, Koronadal, South Cotabato sang tinalikdan nga adlaw.
Ginkilala ang mga suspek nga sanday Alejandro Sato Traya, alias Allan, 48 -anyos may-asawa, watch–repairman kag residene sangCrossing Maraya, Purok Paghidait, Barrio 6, Banga, South Cotabato kag Melandro Gonzales Laspiñas , 43 –anyos, may-asawa, jobless kag residente sang Paredes St., Purok Aurora 2, Brgy. Zone 4, Koronadal City.
Nadakpan ang duha ka mga suspek sang magpasugot nga magbaligya sang isa ka heat–sealed transparent plastic sachet sang suspected shabu sa PDEA Agent nga nagpakilala nga poseur–buyer kambyo sa kantidad nga P500.00 marked money.
Nakumpiskar sa duha ang more or less lima ka gramo sang suspected shabu nga nagakantidad sang P25, 000.00, P500.00 marked money kag assorted drug paraphernalia.
Kaso naman nga pagbayolar sa Sections 5, 11 and 12, Article II sang Republic Act 9165 ukon Comprehensive Dangerous Drugs Act of 2002 ang ipasaka batok sa mga suspek nga sa subong nakadetine sa PDEA XII Detention Facility.
Suno kay Pdea Regional Director Gil Cesario Castro ang nasambit nga operasyon ang resulta sang aktibo nga partisipasyon sang komunidad paagi sa paghatag sang impormasyon sa nagaluntad nga drug activities sa ila nga lugar.