Dakpan ang duha ka mga estudyante sa ginpatigayon nga buy-bust operation sang gintingob nga pwersa sang Philippine Drug Enforcement Agency Regional Office XII kag Koronadal City Police Drug Enforcement Unit sa Antipolo St., Brgy. Zone 2, Koronadal City, South Cotabato alas 11:15 sang gab-i sang April 22, 2019.
Ginkilala ang mga naaresto kanday Mark John Sernadilla Pascual, Alias Empoy, 18-anyos kag residente sang Purok Tagumpay, Brgy. GPS, Koronadal City kag Dexter Visande Cerbas, Alias Dodong, 18-anyos kag residente sang Purok Maligaya, Brgy. Mabini, Koronadal City.
Nakumpiskar sa operation ang more or less 3 grams dried marijuana nga may estimated street value nga P360.00 kag P200 .00 mark money.
Naaresto sanday Pascual kag Cerbas sang magpasugot nga magbaligya sang marijuana sa PDEA agent nga nagpakilala nga poseur buyer kambyo sang P200.00 mark money.
Ang nasambit nga mga suspek ang magapangatubang sang kaso nga pagbayolar sa Sections 5 (Sale of Dangerous Drugs kag Section 11 (Possession of Illegal Drugs) sang Article II sang RA 9165 ukon “The Comprehensive Dangerous Drugs Act of 2002”.
credit to Pdea 12
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
