Sultan Kudarat — Giila sa mga Police nga miyembro sa notoryos nga kawatan ang duha ka mga suspetsadong misuway ug pangawat sa balay sa usa ka Police sa Purok Cadena De Amor, Barangay Poblacion, President Quirino, Sultan Kudarat apan napugngan human nga naabtan sa police nga tag-iya.
Ang nakabsan ug kinabuhi mao si Taras Duma Abdul, 35, residente sa Purok Limsi, Buluan, Maguindanao samtang ang samdan nailhang si Aries Mamolandi, 20, driver ug residente sa Barangay Digal, Buluan, Maguindanao.
Subay sa report sa Pres. Quirino Police Station nasutang naabtan ni Police Master Sergeant Noel Fortez ang duha ka mga suspek sulod sa balay niini.
Paspas nga misibat ang duruha apan sila gigukod ni Fortez. Nakapangayo usab kini dayon ug tabang gikan sa mga kabarong Police mao nga nagbutang dayon ug Check Point.
Duna pay nahitabong ginukdanay kung asa mipabuto ug pusil ang usa sa mga suspek maong sila gibaslan sa kapulisan nga hinungdan sa pagkaigo sa mga nahisgutan. Patay si Abdul samtang nakaangkon sab ug samad si Mamolandi.
Nasayran nga nakuhaan si Mamolandi ug granada ug duha ka sachet sa shabu.
Gikaingong ang duruha, notoryos nga hold-up robbery ang nga galihukan sa area sa Sultan Kudarat ug Maguindanao.
