2 ka mga Konsehal sa Gensan, nagbahad nga di makalusot ang STL Operation sa Gensan

14

Nagbahad karon silang City Councilor og Atty Jeng Gacal Jr., ang Committee Chairperson sa Games and Amusement og City Councilor Rosalita Nuñez, Committee Chairperson sa Education sa Sangguniang Panlungsod nga ilahang babagan ang operasyon sa Small Town Lottery Lotto operation sa General Santos kung magpadayon ang dili maayung pamatasan sa mga taga Trinto Gaming Leisure Corporation.

Kahibaluan nga mialma ang duha ka mga konsehal human sila makadawat og impormasyon gikan sa mga nagpasiugdan sa STL Operation sa Gensan nga PLAK kon Pera Lang ang Katapat sa mga nagababag sa operasyon sa maong pasugal.

Kahinumduman nga nahimong init sa pagkakaron ang isyu sa operasyon sa STL sa Gensan nga misangput pa sa pagdeklara sa mga Konsehal og personan non grata kang Gensan OIC City PNP Director Ruel Berango tungod saw ala pagsunod niini sa kamanduan ni Mayor Ronnel Rivera nga pasirad-an ang mga outlet sa STL tungod iligal kining nag operate tungod saw ala pay concurrence gikan sa Sangguniang Panlungsod.

Sa kasamtangan anaa lamang gihapon sa 1st reading ang maong isyu og kinahanglan pang mupahigayon og konsultasyon ang komitiba ni City Councilor Gacal kung angayan bang tugutan nila o dili nga maka operate ang STL lotto sa Gensan. (Emir Bariquit)

Facebook Comments