Ginang sikop sa anti-gambling operation

12

Davao City- Nasikop sa kapulisan Sta Ana PNP ang usa ka ginang human nagpasiugda og illegal gambling atol sa gilusad nga anti-illegal gambling operation alas 7:30 kagabii natigayon sa Brgy. Lapulapu ning dakbayan.

Basi sa report gikan sa Sta. Ana PNP, naila ang suspetsado nga si Zenaida Manila, 38 anyos, residente sa nasampit nga lugar.

Nakompiska sa kapulisan gikan sa posisyon sa dinakpan ang tulo ka last two stub with corresponding numbers lakip ang gipangpatad nga mukantidad og 265 ka pesos ug uban pang kagamitan sa illegal gambling.

Ang dinakpan moatubang sa kasong kalapasan sa Republic Act 9287 kun Illegal Gambling ug gihikay na sa kapulisan ang kaso aron iduso ngadto sa korte.

RadyoMan Don Pulayao

Facebook Comments