Davao City – Nagpakitabang ang duha ka mga lalaki nga sila si Jingoy Logensa, 24 anyos, residente sa New Loon Mintal ug si alyas Joseph sa dihang gi-harass ug gitulis sila sa duha ka mga tawo.
Ang mga suspek mao sila si Mark Lapayag Aquino, 24 anyos, ug si Remie Martin Carmawin, 25 anyos, pulos residente sa RGA Village, Dacudao ning siyudad.
Sumala sa mga complainant, niadtong adlawng Domingo alas 3:00 sa kadlawon, niabot sila sa maong lugar sa dihang mopauli na unta kini giatangan sila sa mga suspek dayon gi-harass ug gikuha ang cellphone ug kwarta sa complainant.
Nakasibat si alyas Joseph gikan sa mga kamot sa mga suspek ga maoy nangayo og tabang sa kapolisan sa Sta Ana.
Sa pagkakaron, gi kustodiya na sa kapolisan ang mga dinakpan.
RadyoMaN Paul Canono
