Ta prepara ya el caso de murder el maga pulis encontra con un 42-año de edad persona quien ya rendi na otoridad despues ya mata y ya entera pa con el cuerpo del su joben live-in-partner na Sitio Cabigan, Maasin.
Na report del Sinunuc Police Station ta aparese si Edison Maatubang Macansantos, voluntariamente ya atraca con con el maga barrio official del Maasin del para rendi su cuerpo.
Dayun tambien si Kagawad Rodolfo Cabugsa Genturalez ya entrega con Macasantos na estacion del Sinunuc donde con este ya pone bajo na costodia del pulis.
Si Macasantos ya esta escondido despues ya puede recobri con el cadaver del disuyu live-in-partner si Rizza May Toribio, 22, con quien le ya mata y ya entera pa con el cuerpo na sapa na Sitio Cabigan, Maasin del Enero 29.
Con el cadaver di Toribio ya descobri solamente del semana pasao durante el follow-up operation del pulis desde el tiempo ya sale perdido el victima del Enero 29.
Asegun con Sr. Insp. Daniel Taub, murder el caso que ay somete sila na fiscalia encontra con Macansantos.
