General Santos City–Pormal nang napasakaan ug kasong direct assault, physical injury ug alarm and scandal ang duha ka mga indibidwal nga silang Kojie Salmon, 24 anyos nga nanimuyo sa Purok 3, Llido Subdivision, Barangay Lagao, ning syudad ug usa ka Ronaldo Dumagat nga nanimuyo sa Barangay City Heights, Gensan human nga masikop kini sa mga pulis nga sakop sa Police Station 6, niadtong milabay nga adlaw tungod sa kagubot nga nahitabo sa maong lugar.
Kung kahinumduman nga ang suspect nga si Ronaldo ang nalambigit matud pa sa kagubot batok sa usa ka Rolando Ronquillo Jr. 41 anyos, alas 11:00 ang takna sa gabie hinungdan nga girespondehan sa kapulisan.
Apan inay nga mo-undang misukol na hinuon kini sa mga otoridad ug nag apil-apil pa si Konjie sa maong kagubot tungod sa tumang kahubog hinungdan nga apil kini nga gisikop sa kapulisan.
Sa kasamtngan nag tingkagol na sa selda sa Police Station 6 ang mga nasangpit nga suspect.(Dave Silagan)
