2 ka mga persona arestado matapos maaktuhang naga vandalized it pader

Kalibo, Aklan – Arestado rong daywa ka mga persona matapos nga maaktuhang naga naga vandalized it pader kung Kalibo Municipal Cemetery nga nahamtang sa corner it Calachuchi Road ag Jaime Cardinal L. Sin Avenue, Andagao, Kalibo, Aklan.
Rong mga nadakpan hay sanday AJ Tugna y Samarita, 18-anyos ag Menard Sabal y Villorente, 24-anyos tanan residente it Purok 2, C. Laserna St., Kalibo, Aklan.
Base sa report it Kalibo PNP nga samtang nagapatigayon it roving patrol si PO1 Andrade halin sa may Capitol area paadto it Andagao apang pag abot na sa may lugar hay anang naaktuhan ukon “Inflagrante Delicto” nga naga spray it pinta ag nakasueat ro words nga “MABU”.
Pagkapan-o ko daywa hay hinaboy ni Sabal ro spray paint sa sueod it sementeryo ag dumaeagan pero sanda ra hay gin eagas it mga pulis ag nadakpan, na recover man ro iba pang spray paint nga ginagamit sa pag vandal ko propyedad it Kalibo.
Detained rong daywa sa lock up cell it Kalibo PNP para sa nagakaigo nga disposisyon.

Facebook Comments