2 ka mga undocumented OFWs sa Region 12 nakabaton sang cash assistance.

19

Nakabaton sang P 10,000.00 cash aid ang duha ka undocumented overseas Filipino Workers (OFWs) nga taga- General Santos City kag Maasim sa Saranggani Province.
Mismo sanday OWWA 12 OIC-Regional Director Marilou Sumalinog kag DOLE 12 Regional Director Raymundo Agravante ang personal nga naghatag sang nasambit nga ayuda kanday OFWs Sharon Rose Romano and Melanie Cereno.
Sanday Romano kag Cereno ang nag-obra bilang household workers sa Kuwait kag pareho nga nag-abot sa pungsod sang Abril subong nga tuig paagi sa pag-avail sang Kuwait Amnesty Program.
Ang nasambit nga mga OFW`s ang nangayo sang ayuda kay Labor Secretary Silvestre Bello sang Setyembre nga gilayon man suno pa nga ginrefer kay DOLE regional Director Agravante.
Nakabaton sang ayuda ang mga OFWs sa idalom sang Livelihood Development Assistance Program (LDAP) sang OWWA-NRCO.
Ang LDAP ang livelihood support para sa mga returning displaced/distressed OFWs bilang pag-umpisa ukon dugang nga capital para sa livelihood project.
May-angot sini, ginhangkat naman ni RD Agravante ang mga may plano nga mag-abroad nga mag-agi sa legal nga proseso kag magkuha sang OWWA membership para sa safety kag benepisyo.

Facebook Comments