Electrician gintiro sa Polomolok, South Cotabato.

Scratched red oval stamp with the words - the police - illustration

Ginluthang sang wala nakilal-an nga mga suspek ang isa electrician sa provincial road, Barangay Lapu, Polomolok, South Cotabato pasado alas 3:30 sang Oktubre 4, 2020.
Ginkilala ang biktima kay Abdul Mamalumpong Tahir, 61-anyos kag residente sang Purok Maguindanao, Brgy Lumakil, Polomolok South Cotabato.
Sa imbestigasyon sakay sa iya motorsiklo ang biktima upod ang isa ka 39-anyos nga backrider halin sa Brgy. Bentung sang pag-abot sa nasambit nga lugar, gilayon ini nga gintiro sang wala nakilal-an nga mga suspek sang tatlo ka bes gamit ang 45 nga kalibre sang armas luthang.
Nakaangkon naman sang 3 ka gunshot wounds sa likod nga parte sang iya nga likod ang biktima nga gilayon naman gindala sa ospital para sa medikasyon, samtang wala naman naigo ang backrider sini.
Gilayon naman suno pa nga nakapalagyo ang mga suspek.
Narekober naman sa lugar ang tatlo ka fired cartridge cases sang kalibre 45 nga armas luthang, 1 ka unit sang Bajaj motorcycle nga ginamaneho sang biktima.
Personal grudge naman ang ginalantaw nga motibo sang kapolisan sa insidente.

Facebook Comments