Sarangani Province – patay ang usa ka minor de edad samtang samdan ang usa ka magtutudlo human nga gidaro sa usa ka van ang ilang motorsiklo sa may National Highway nga sakop sa Sitio Lower Biangan, Malungon, Sarangani Province.
Biktimang namatay mao si Cesar Ludobise Jr, 14, residenti sa Brgy. Poblacion, Malungon samtang giila usab ang magtutudlo nga si Albert Ryan Tapitan residenti gihapon sa samang lugar.
Nasayran nga mihunong ang mga motorsiklong gimanihuan sa mga biktima sa maong lugar particular nga giayo nga tulay dihang kalit silang gidaro sa usa ka Van nga gimanihuan ni Romeo Revilla Jr, 47,nga taga Kiblawan, Davao del Sur.
Nalagpot ang minor de edad nga miresulta sa pagbaton niini ug daghang samad sa lawas hinungdan sa iyang kamatayon. Samtang nakaangkon usab ug daghang pangos sa lawas ang magtutudlo human sa insidenti.
Sa karon anaa na sa kustudiya sa Malungon Municipal Police Station ang driver nga Van nga nakbangga sa mga biktima.
