Achievers awards gipahigayon sa Gensan City Police Office

General Santos City— Nagmalampuson ang gipahigayong achievers awards sa Gensan City Police Office kung asa gipangunahan kini ni Police Senior Superintendent Romeo Ruel Berango, acting city director sa GSCPO kung asa nag unang bisita mao si Police Chief Superintendent Cedrick Train, ang Regional Director Sa Police Regional Office 12. Personal man usab kining gitambungan ni Mayor Ronnel Rivera.

Sumala kang Col. Berango nga ang maong aktibidad ang kanhi ng gipahigayon sa mga nanglabay nga city director sa GSCPO ug iyaha lang subling gibuhi. Tumong niini aron nga mahagit ang tanang mga personahe sa matag police station nga magtrabaho ug sakto. Usa matud pa kini ka healthy competition ngadto sa walo ka mga presinto sa kapulisan.

Naangkon man usab sa Police Station 4 ang duha ka mga major awards ug gidawat kini ni Police Senior Inspector Lemuel Enrijo, ang officer in charge ug halos tanang police non commission awards ang nakuha sa ilahang station.


Gidayeg man usab ni General Train ang nahimong inisytatibo ni Col. Berango nga magpahigayon sa maong aktibidad.

Facebook Comments