General Santos City—Patay ang usa ka Hari Nopal, 40 anyos nga taga Purok Placida, Barangay Calumpang, Gensan, samtang angol usab ang back rider niini nga si Lojen Poas, 37 anyos, residenti sa maong barangay ug usa ka habuer Ibrahim, driver sa motorsiklo human nga nagsungag ang ilang mga motorsiklo sa Fil-am Road, Barangay Fatima Gensan alas 6:00 ang takna sa gabie.
Sa report sa Traffic Management Unit (TMU) nasayran nga parehong naglawig ang duha ka mga motorsiklo sa maong lugar dihang nagbangga ang mga nasangpit.
Tungod nga kusog nga impact, paherong nangalagpot ang sakay sa duha ka motorsiklo mao nga nakaangkon ug daghang mga samad sa lawas.
Si Nopal maoy nagrabihan kansa gideklarang dead on arrival sa balay tambalanan. Sa karon nagpaalim nalang usab sa ospital ang driver sa usa ka motorsiklo nga si Ibrahim ingon man ang back rider sa biktimang namatay nga mao si Poas.
