South Cotabato – PATAY ang driver sa usa ka motorsiklo samtang angol usab ang driver sa nahitabong pagbangga sa duha ka motorsiklo sa provincial road askop sa Purok Osmeña, Barangay Rotonda, Koronadal City.
Giila ang biktimang namatay nga si John Leo Lunasco Frondoza, 18, ulitawo, residente sa Kinayaw, Bagumbayan, Sultan Kudarat.
Subay sa report sa Traffic management Office sa Koronadal PNP nagmaniho si Frondozo sa iyang Rusi 100 kolor pula na motorsiklo dihang mibangga sa SYM Bonus nga motorsiklo nga gimanihuan sa usa ka Joven Dajay, 39, minyo ug residente sa Barangay Rotonda, Koronadal.
Paspas matud pa ang dagan sa duha ka mga motorsiklo pag abot sa maong lugar, nagsungag ang duha ka mga motorsiklo nga miresulta sa paglagpot sa mga driver, hinungdan sa ilang pagkaangol.
Samang samdan ang mga biktima kansa gilayong gidala sa Ospital sa Koronadal City apan gideklarang dead on arrival ang biktimang si Frondoza. Samtang naadmitar usab si Dajay gumikan sa samad nga naangkon niini.
