Davao City – Gikustodiya na sa Sasa Police Station ang duha ka suspek sa pagpanulis kagahapong adlawa (Hunyo 24, 2021) sa Malagamot, Panacan, Davao City.
Sa interbyu sa DXDC RMN Davao kang Police Col. Kirby John Kraft, Davao City Police Office (DCPO) Director gibutyag niini nga ang duha ka suspek adunay misrepresentation o nagpaka-arong ingnon kini nga mga sakop sa COVID-19 Task Force ug adunay intensyon nga manulis.
Matud ni Kraft, mag-atubang og kaso ang duha tungod sa ilang gibuhat.
“Misrepresentation po ‘yan kung meron man po silang ginawang ganun, nagpakilala sila na miyembro ng ano pero hindi na man po. Yung pong report, inaantay ko pa po kung ano pong pwede nating i-file na kaso po sa kanila,” sulti ni Kraft.
Makita sa hulagway sa netizens nga gipanggapos ang duha gamit ang pisi naghapa sa yuta ug nagkalapok samtang nagpaabot sa kapulisan nga arestohon ang mga suspek.
Daghan usab nga netizen ang mibati og kahadlok sa insidente apan nagpasalamat usab ang mga Davaoeños nga gilayong nadakpan ang duha.
RadyoMaN Kirby Manzon
