Duha ka mga miyembro sa New People’s Army ang napatay sa padayun nga bakbakan sa may Surigao del Sur. Usa usab ka miyembro s 75th IB. Phil. Army ang samaron sa nahitabong sinukliay sa bala. Ala 1:30 sa hapon sa miaging adlaw nagkabakbakan didto sa Brgy. Buhisan, San Agustin, Surigao del Sur. Kini ang gikumperma ni Lt. Col. Jimmy Datwin, Commander sa 75th IB Phil. Army. Niya pa hangtud karon wala pa maila ang duha ka NPA nga napatay sa engkwentro ug padayon pa sab ang military combat operation sa lugar, apan tag-as kini ug ranggo. Atol sa clearing operation narecover sa encounter site ang duha ka patayng lawas sa NPA, usa ka AK47 rifle, M653 rifle, compass, blasting caps ug detonating cords. Gikumperma mismo ni Lt. Col. Jimmy Datwin nga Brigade size ang combat military operation nga gilunsad karon sa Lungsod sa Lianga ug San Agustin, Surigao del Sur. Matud ni Lt. Col. Jimmy Datwin nga ilang ipaniguro nga dili maapektuhan ang mga residente nga nanimuyo sa lugar diin anaa ang operasyon sa Militar. Sent from my Samsung Galaxy smartphone.
