Davao City- Nagpatala sa Buhangin Pnp ang duha ka nurse sa Southern Philippines Medical Center aron ireklamo ang ilang labaw tungod sa pag-utingkay sa ilang gamit sulod sa ilang mga locker nga walay pagtugot gikan kanila. Sumala nila Hermelyn Charish Cabanog, 23 anyos,dalaga, ug Jenny Abigail Ang,26 anyos nga gihaloghog sa inspection team sa SPMC Dialysis unit ang ilang mga locker nga walay pananghid kanila gikan 9:00 sa buntag hangtud 2:00 sa hapon. Segun sa duha nga ang kalit nga pagsusi sa ilang mga locker kini subay sa kamandoan sa ilang supervisor nga si Christie Manguray. Nasayran nga ang duha gidudahan nangawat og mga medisina sa ospital mao gimando ang inspection sa ilang mga locker. Nasuta nga ang inspection team nakarekober og mga items sa medisina ug uban pa sulod sa mga locker sa duha ka nurse. Si Cabanog nangatarungan nga ang mga narekober sa iyang locker iya kadtong personal nga pinalit ug samtang si Ang nagrason nga hinatag kini gikan sa iyang higala butang nga wala tuhui sa ilang labaw. Ang duha gibaharan ni Manguray nga pasakaan og kasong kawat ug mao kining hinungdan ngano midangop sila sa Presinto 5. RadyoMaN Joel Viray tags: dxdc 621 davao
