Misis gikawatan sulod sa ilang panimalay

44

Davao City – Nagpakitabang sa Tugbok PNP ang usa ka misis sa dihang gikawatan kini sa usa mga kalalakin-an sulod sa ilang panimalay. Ang complainant mao si Maricel Villanueva Miclat, 35 anyos, usa ka house wife nga taga Block 11 Lot 8 Deca Homes Barangay Tugbok District ning syudad. Matod pa, bandang alas-8 sa kagabhion migawas kini sa ilang panimalay aron mag walking uban ang iyang bana. Dakong kompyansa ni Miclat tungod wala niya sirad-i ang pultahan sa ilang panimalay gumikan anaa ilang 13 ug 10 anyos nga anak nga nagpreparar na aron matulog. Human sa pila ka minute, nahibalik na ang mga biktima gikan sa pag ehersisyo ug nakurat na lamang kini nga nakit-ang nagkatag na ang mga gamit sa eskwelahan sa iyang anak. Nasyran niini nga nahanaw na ang laptop nga mokantidad og 35,000 pesos, cellphone nga tag P46,000 ka pesos, tablet nga mo kantidad og 25,000 pesos, upat ka unit sa cellphone nga mokntidad og 2,500 ug gidala sab ang school backpack sa iyang anak nga maoy gisudlan sa mga kinawat nga gadget. Hinoon adunay CCTV nga gimontar sa balay sa biktma ug kasamtangan na gina imbestighan ang footage niini aron maila ug madakpan ang mga suspek. RadyoMaN Paul Canono tags: dxdc 621 davao

Facebook Comments