South Cotabato- Nailhan na ang duha ka mga patayng lawas nga una nang nakaplagan sa Purok 6, Barangay Mangilala, Tantangan, South Cotabato,niadtong nakalabayng adlaw.
Ang mga biktima mao silang si Jeharis Kanakan, 22-anyos ug uyuan niining si Nash Ruden Balasid.
Nasayran nga positibong giila sa mga kabanay ang mga nasangpit human nga nasayran nga adunay duha ka mga patayng lawas nga nakaplagan sa maong lugar.
Subay sa pahayag sa mga kabanay sa mga biktima nga nilakaw ang mag-uyuan niadtong Oktubre 16, wala makauli ang mga nasangpit mao nga nabalaka na pag-ayo ang mga ginikanan sa mga nasangpit.
Nakadungog nalang sila nga adunay duha ka patayng lawas nga nakaplagan sa Tantangan mao nga ilang gisuta ug positibo nga ang mag-uyuan ang nakaplagan.
Sa karon blangko pa ang kabanay kung si kinsa ang mipatay sa mga nasangpit gumikan wala man silay nasayran nga nakalaban ang mga nahisgutan ayha paman nahitabo ang krimen.
