Ang insidente gikumpirma sa Mati PNP sa DXDC RMN Davao ug giila ang mga suspek nga mao sila Mohammad Reeza Sacre Bajunaid, 22 anyos ug Norjan Tapia, Bajunaid, 25 anyos, pulos mga residente sa Barangay Bagua-1, Cotabato City.
Nasikop ang mga suspek sa gilusad nga entrapment operation sa sa Criminal Investigation and Detection Group (CIDG) Davao Oriental ug Mati City Police Station human gireklamo ang mga suspek.
Sa report, dili otorisado ang nahisgutan sa Philippine Dental Association rason nga iligal ang ginahimong aktibidad sa mga suspetsado.
Nagpasidaan karon ang kapulisan nga likayan ang pagkig-transaksyon sa maong mga indibidwal nga dili otorisado ang trabaho aron malikay sa risgo, ug gilayong ireport ang maong mga insidente aron gilayong maaksyonan sa awtoridad
RadyoMaN Kirby Manzon
