Gibutyag ni Dr. Cerelyn Pinili, Head SA City Veterinarian’s Office, gipatuman kini sa Davao City subay sa bird flu outbreak sa Luzon ug silingang lugar sa Davao Region, ang Tacurong City, Sultan Kudarat.
Gi-intensify nila ang surveillance sa critical areas sa Davao nga gilangkuban sa Talomo, Tugbok ug Calinan, tungod kay dinhi ang dakong population sa poultry.
Nagpakanaog og Memorandum Circular No. 6 ang Department of Agriculture (DA) sa temporaryong pagsuspende sulod sa 30 days ang pag-transfer sa mga live birds gikan sa Luzon padulong Visayas ug Mindanao.
Gibutyag ni Pinili, walay kaso sa avian influenza ang Davao City ug gipaningkamutan nga dili makasulod sa syudad ang virus pinaagi sa veterinary checkpoints sa Lasang ug Davao del Norte, Lacson, Calinan diin maggikan ang mga poultry sa Arakan ug Marilog ug Sirawan.
Niapelar kini sa tanang shippers og poultry products nga tas-an ang pasensya diha sa makuting prosesong himuon atol sa pagsusi sa mga dokumentos sa ilang pagpasulod sa mga live birds sa syudad.
RadyoMaN Aimee Guinita
