General Santos City—samdan ang usa ka pulis human nakig-dwelo sa samang pulis sa may Crossing Dagoc, Polomolok, South Cotabato alas 8:15 ang takna sa buntag kaganina lang.
Biktimang pulis nailhan nga si Po2 Kervie Sagabay, legal age, nakabase sa Regional Public Safety Batallion (RPSB), Residenti sa maong lugar. samtang ang suspek giilang si Po3 Gil Malayo, nakabase sa South Cotabato Police Office (SCPO) ug residenti gihapon sa samang lugar.
Sumala ni Police Sr. Inspector Hernan Gabat, Deputy Chief Of Police sa Polomolok PNP nga si Po3 Gil Malayo nga nakasul-ob pa ug uniforma ang nagtambay sa kanto sa Crossing Dagoc, padulong unta sa court hearing dihang kalit miabot ang biktima.
Tungod duna nay daang bangi ang mga nahisgutan natigayon ang dwelo nga misangko sa pagkaangol sa biktimang si Sagabay. Gilayon kining gidala sa Ospital sa Polomolok apan human sa pila ka oras gibalhin kini sa SOCKSARGEN Hospital. Samtang ang suspek misurender gilayon sa Polomolok PNP.
Sa karon ang kapulisan sa Polomolok naghuwat nalang sa desisyon ni Po2 Sagabay kung iya bang pasakaan ug kaso ang suspek.
