Davao City – Sikop ang duha ka mga tigpayuhot og iligal nga droga atol sa gilusad nga buy bust operation sa kapulisan sa Talomo ug San Pedro.
Giaresto si Arjay Meñoza alyas Taba, 22 anyos nga taga Antuanga Alley Purok 23-A Talisay Times Beach Barangay 76-A Bucana ning syudad.
Gidakop ang maong suspek human napalit kaniya sa usa ka poseur buyer ang usa ka gipotos nga marijuana sa kantidad nga 500 hundres pesos isip buy bust money.
Nakuha sa dinakpan ang lima ka pinaugang dahon sa marijuana nga gibalot sa newspaper nga mukantidad ug kapin P30,000.00 lakip nakuha ang usa ka improvise nga pipe, sinsilyo nga 110.00 pesos, ug cellphone nga maoy gigamit sa iligal nga transaksiyon.
Samtang wala usab naka eskapo ang usa ka pusher atol sa buy bust operation sa Talomo PNP sa Pag Asa Extension Matina Aplaya ning syudad.
Ang dinakpan mao si Michale Gamao Susa nga taga-Spring Valley Buhangin ning siyudad sa Davao.
Giposasan ang suspek human kini nakuhaan og duha ka sa sachet nga gituohang droga bugti ang 1,000 pesos buy bust money.
Nakuha usab sa suspek ang 11 pa ka pakete sa droga, 2 ka unit sa cellphone ug cash nga mokantidad ug 500 pesos.
Balhog na ang mga dinakpan sa prisohan samtang kasong paglapas sa RA 9165 kon Comprehensive Dangerous Drugs Act of 2002 ang ipasaka batok kanila.
RadyoMaN Paul Canono/ RadyoMaN Don Pulayao
