Sa interview sa DXDC RMN Davao kang Merlyn Largo, inahan ni Arniel Largo, 19 anyos, iyahang gisaysay nga niadto pang ala 1:00 sa hapon sa Sabado, Abril 27, 2024 sa dihang milakaw ug wala na nakauli ang iyahang anak.
Gawas sa pag-adto sa mga lugar asa posibleng makit-an ang anak, miduol na usab sila og mananagna sa ilang lugar ug giingong gitagoan kini sa punoan sa balite. Dugang sa inahan nga daw lahi ang lihok sa iyahang anak ayha pa man kini na-missing, diin ulahi niining suot ang itom nga sinina, jacket, kalo ug short.
“Kabantay mi nga mura’g blangko iyang hunahuna. Kanang mulakaw siya’g buntag unya hapon mouli, mangutana mi asa sya gikan muana sya wala daw sya nilakaw. Mao pa goy pag-abot niya, muana sya wala man ko nilakaw, naa ra man ko diri. Permirong lakaw, niuli man sya pagkahapon. Karon kay wala sya kauli,” saysay sa inahan.
Sa pagkakaron, naka-blotter na usab sa police station ang insidente ug duna nay gipakatag nga printed nga papel nga dunay picture o nawong sa batan-on.
RadyoMaN Kirby Manzon
